Fréttir

Yfirlýsing frá formanni Læknafélags Íslands

Yfirlýsing frá formanni Læknafélags Íslands

Að gefnu tilefni vil ég ítreka þá skoðun, sem fram kom í viðtali við mig á mbl.is þann 19. október sl. að ófjármagnaðar launagreiðslur utan áætlana í fjárlögum ársins og fjárlagaheimilda Landspítala hafi komið í bakið á yfirstjórn sjúkrahússins. Í ljós hafi komið að engar áætlanir hafi verið um hvernig ætti að fjármagna pakkann sem kominn var í tæpar þúsund miljónir króna umfram heimildir þegar gripið var inn í. Niðurstaðan í dag sé sú að forstjóri sjúkrahússins hafi kynnt að skera þurfi niður verkefni og þjónustu þess um tæpan miljarð á yfirstandandi ári eða um svipaða fjárhæð og umræddar aukagreiðslur utan fjárlaga ársins hafi numið. Um framangreint tala staðreyndir skýru máli.
24.10.2019
Milljarða framúrkeyrsla stjórnunarmistök

Milljarða framúrkeyrsla stjórnunarmistök

Formaður Lækna­fé­lags Íslands seg­ir að „handa­hófs­kennd­ar ákv­arðana­tök­ur“ í formi inn­leiðing­ar jafn­launa­vott­un­ar og íviln­ana hafi spilað stórt hlut­verk í framúr­keyrslu Land­spít­al­ans. Jafn­framt seg­ir hann að fjög­urra millj­arða framúr­keyrslu megi flokka sem stjórn­un­ar­mis­tök. Sex mánaða upp­gjör spít­al­ans, sem birt var í sum­ar, sýndi að að óbreyttu stefndi í hátt í fimm millj­arða króna framúr­keyrslu í ár. „Í fyrsta lagi vilj­um við taka und­ir að við höf­um áhyggj­ur af langvar­andi fjár­hags­vanda Land­spít­al­ans. Það er stöðugt verið að bæta við verk­efn­um á sjúkra­húsið sem væri skyn­sam­legra að væru í hönd­um annarra sem gætu veitt þjón­ust­una á hag­kvæm­ari hátt og væru ekki að taka mannafla frá kjarn­a­starf­semi spít­al­ans,“ seg­ir Reyn­ir Arn­gríms­son formaður Lækna­fé­lags Íslands. Í sam­tali við mbl.is í gær sagði Páll Matth­ías­son, for­stjóri Land­spít­al­ans, að nú yrði ráðist í um­fangs­mikl­ar sparnaðaraðgerðir á spít­al­an­um.
21.10.2019
Ályktun frá Félagi íslenskra endurhæfingarlækna

Ályktun frá Félagi íslenskra endurhæfingarlækna

Félag íslenskra endurhæfingarlækna samþykkti eftirfarandi ályktun á félagsfundi 16. október 2019: Félagið fordæmir vinnubrögð stjórnarformanns og varaformanns stjórnar SÍBS gagnvart forstjóra og framkvæmdastjóra lækninga Reykjalundar, með fyrirvaralausum uppsögnum án skýringa. Háttsemin hefur markast af hroka og virðingarleysi gagnvart einstaklingum og skilningsleysi á mikilvægi þeirrar starfsemi sem fram fer á Reykjalundi. Fjarlægð og áhugaleysi forsvarsmanna SÍBS gagnvart starfseminni hefur verið viðvarandi um langt skeið, m.a. vegna viðhorfa sem snúast meira um fjármuni en gæði og mikilvægi þjónustunnar. Það litla traust sem fyrir var á stjórn SÍBS er að engu orðið í kjölfar þessara atburða.
16.10.2019
Segir starfsmatskerfi Landspítala og Sjúkrahússins á Akureyri ónothæft

Segir starfsmatskerfi Landspítala og Sjúkrahússins á Akureyri ónothæft

For­maður Lækna­fé­lags Ís­lands segir jafn­launa­vottunar­kerfi Land­spítalans og Sjúkra­hússins á Akur­eyri ó­not­hæft og það taki ekki mið af störfum lækna. Hann segir mann­auðs­svið Land­spítalans hafa kallað lækna á fundi vegna kerfisins á miklum á­lags­tímum.
08.10.2019
Ályktanir aðalfundar LÍ 2019

Ályktanir aðalfundar LÍ 2019

Aðalfundur LÍ 2019 samþykkti fjórtán ályktanir um margvísleg málefni sem snerta heilbrigðismál, auk fimm, sem snúa að innra starfi félagsins og einnar sem send verður heilbrigðisstofnunum.
01.10.2019
Aðalfundi LÍ 2019 er lokið

Aðalfundi LÍ 2019 er lokið

Aðalfundi Læknafélags Íslands 2019 lauk á Siglufirði kl. 17:10 í dag. Aðalfundurinn samþykkti fjölmargar ályktanir sem sendar verða fjölmiðlum á næstu dögum og birtar um leið á heimasíðu LÍ.
27.09.2019
Fréttir af aðalfundi LÍ

Fréttir af aðalfundi LÍ

Aðalfundur Læknafélags Íslands (LÍ) 2019 hófst í gær, 26. september á Siglufirði. Formaður LÍ, Reynir Arngrímsson ávarpaði aðalfundarfulltrúa við setningu aðalfundarins. Landlæknir Alma D. Möller var viðstödd setningu fundarins og ávarpaði aðalfundarfulltrúa. Kjörnir aðalfundarfulltrúar eru 68 en aðalfundurinn er opinn öllum félagsmönnum sem eru nú rúmlega 1400.
27.09.2019
Óvenjumikill og viðvarandi lyfjaskortur í landinu

Óvenjumikill og viðvarandi lyfjaskortur í landinu

Óvenjumikill og viðvarandi lyfjaskortur hefur verið í landinu að undanförnu að sögn formanns Læknafélags Íslands. Skortur á vissum tegundum sýklalyfja hafi orðið til þess að notuð séu breiðvirkari sýklalyf sem geti valdið lyfjaónæmi. Hann segir að lyfjaskorturinn geti haft áhrif á heilsu fólks. Viðvarandi lyfjaskortur hefur verið hér á landi um nokkurt skeið og ef skannað er yfir biðlista lyfjaheildsala eins og Distica og Paralog sést að umtalsverður skortur er á lyfjum og eða vörunúmerum lyfja. Þá eru 74 lyf á biðlista hjá Lyfjastofnun.
13.09.2019
Lyfjaskortur og lyfjaverð

Lyfjaskortur og lyfjaverð

Á dögunum gaf Hagfræðistofnun út skýrslu sem fjallaði um lyfjamarkaðinn hér á landi. Í skýrslunni kom meðal annars fram að lyfjaverð á Íslandi hefði lækkað síðan í byrjun 21. aldarinnar og að gögn frá Hagstofunni  benda til þess að árið 2018 hafi íslenskir neytendur greitt um það bil helmingi minna fyrir skammt af lyfjum en 2003. Þá kom fram að vegna verðlagshamlana sem settar eru á lyf hér á landi sé lyfjaframboð hér á landi aðeins þriðjungur af því framboði sem í boði er á Norðurlöndum. Læknar og lyfsalar sem Viðskiptablaðið ræddi við segja ástæðu til að hafa áhyggjur af stöðunni og telja sumir að endurskoða þurfi þessar verðlagshömlur.
12.07.2019
Oflækningar geta valdið skaða

Oflækningar geta valdið skaða

Læknafélagið ætlar að skoða oflækningar og kanna viðhorf lækna til fullyrðinga um að oflækningar séu stundaðar hér á landi. Þetta segir Reynir Arngrímsson formaður Læknafélagsins í Læknablaðinu. Átakið leiði til faglegra endurbóta á þjónustunni en strandi hins vegar á fjármagni. Hann segir nauðsynlegt að spyrja hvort sannanlega sé þörf á meðferð eða rannsókn í hverju tilviki. Stefán Hjörleifsson læknir segir að fólk geti orðið fyrir skaða við oflækningar.
12.07.2019