Aðalfundur FSL 2026
Stjórn Félags sjúkrahúslækna (FSL) boðar til aðalfundar félagsins miðvikudaginn 22. apríl 2026 kl. 16:30 á Hótel Holti, Bergstaðastræti 37, Reykjavík.
Á dagskrá eru hefðbundin aðalfundarstörf skv. 9. gr. laga félagsins:
- Skýrsla stjórnar félagsins fyrir starfsárið 2025-2026.
- Reikningar félagsins fyrir árið 2025 með athugasemdum skoðunarmanna, ef einhverjar eru.
- Stjórnarkjör – Kjósa þarf varaformann, ritara og meðstjórnanda til tveggja ára þar sem kjörtímabil þeirra rennur út á aðalfundinum. Um framboð sjá hér fyrir neðan.
- Kosning annars tveggja fulltrúa FSL í stjórn LÍ. Jóhanna Guðrún Pálmadóttir gefur áfram kost á sér.
- Kosning helmings aðal- og varafulltrúa á komandi aðalfund LÍ. Heimilt er að tilnefna aðra fulltrúa á þessum fundi en fram koma í tillögu stjórnar. Séu fleiri tilnefndir en kjósa skal ræður afl atkvæða.
- Kosning tveggja skoðunarmanna reikninga félagsins og eins varamanns.
- Ákvörðun árgjalds félagsmanna fyrir árið 2026 og fjárhagsáætlun.
- Lagabreytingatillögur ef einhverjar eru.
- Önnur mál.
Gert er ráð fyrir að aðalfundurinn standi í hálftíma eða svo. Á eftir er félagsmönnum boðið til vorfagnaðar sem gert er ráð fyrir að standi frá kl. 17-19. Þar verða bornar fram léttar veitingar.
Stjórnin hvetur félagsmenn til að mæta á fundinn og vorfagnaðinn á eftir.
Vegna stjórnarkjörs og kjörs fulltrúa FSL í stjórn LÍ:
Kjörtímabil varaformanns, ritara og meðstjórnanda rennur út á þessum aðalfundi.
- Inga Jóna Ingimarsdóttir hefur gegnt embætti varaformanns félagsins síðustu tvö ár. Hún gefur aftur kost á sér í þetta embætti í stjórn til næstu tveggja ára.
- Eggert Eyjólfsson hefur gegnt embætti ritara frá hausti 2024. Hann gefur kost á sér til endurkjörs til næstu tveggja ára.
- Vilborg Jónsdóttir var kosin meðstjórnandi til eins árs á síðasta aðalfundi. Hún gefur kost á sér til endurkjörs til næstu tveggja ára.
- Jóhanna Guðrún Pálmadóttir var kosin fulltrúi FSL í stjórn LÍ á síðasta aðalfundi. Hún gefur áfram kost á sér til þeirra starfa.
Í 2. mgr. 12. gr. laga FSL segir:
Tillögur um kjör stjórnarmanna skal senda stjórn félagsins eigi síðar en viku fyrir aðalfund. Stjórn gætir þess að ekki sé gerð tillaga um færri menn en kjósa á, en sérhver félagsmaður hefur tillögurétt. Þeir einir eru kjörgengir sem tillaga hefur verið gerð um með þessum hætti.
Tillögur til stjórnar um stjórnarmenn þurfa því að berast eigi síðar en kl. 16:30 miðvikudaginn 15. apríl nk. Þær óskast sendar á formann félagsins á netfangið hildurjo@landspitali.is og netfang félagsins fsl@lis.is.
Fylgigögn fyrir aðalfund, uppgjör gjaldkera vegna 2025.pptx
Til baka