Tryggja þarf öryggi sjúklinga

Bæta verður úr óviðunandi starfsaðstæðum heilbrigðisstarfsfólks á Landspítalanum, tryggja fullnægjandi mönnun allra stétta og tryggja þannig öryggi sjúklinga. Þetta segir í yfirlýsingu frá Félagi íslenskra röntgenlækna.

Félagið tekur undir áhyggjur Læknafélags Íslands, stjórn Læknaráðs Landspítalans, félags sjúkrahúslækna og félags bráðalækna um alvarleika stöðunnar á Bráðamóttöku og á fleiri deildum Landspítalans með almenna og langvarandi manneklu lækna og fleiri stétta heilbrigðisstarfsfólks og óviðunandi starfsaðstöðu.

Svona hljóðar yfirlýsingin:

Reykjavík 08.06.2021

Yfirlýsing frá félagi íslenskra röntgenlækna

Stjórn félags íslenskra röntgenlækna tekur undir áhyggjur Læknafélags Íslands, stjórn Læknaráðs Landspítalans, félags sjúkrahúslækna og félags bráðalækna um alvarleika stöðunnar á Bráðamóttöku og á fleiri deildum Landspítalans með almenna og langvarandi manneklu lækna og fleiri stétta heilbrigðisstarfsfólks og óviðunandi starfsaðstöðu.

Bæta verði úr óviðunandi starfsaðstæðum heilbrigðisstarfsfólks á Landspítalanum, tryggja fullnægjandi mönnun allra stétta og tryggja þannig öryggi sjúklinga.

Fyrir hönd stjórnar félags íslenskra röntgenlækna,

Helgi Már Jónsson, formaður félags íslenskra röntgenlækna