Háskólamenntaðir á húsnæðismarkaði.

Boðað er til morgunverðarfundar um stöðu háskólamenntaðra á húsnæðismarkaði fimmtudaginn 27. ágúst kl. 9:00–10:30 í Norræna húsinu.

Boðið verður upp á léttan morgunverð frá kl. 8:30.

Á fundinum verða kynntar nýjar og ítarlegar niðurstöður úr könnun Félagsvísindastofnunar Háskóla Íslands á stöðu háskólamenntaðra á húsnæðismarkaði. Sérstök áhersla verður lögð á stöðu fólks á leigu- og eignamarkaði fyrstu tíu árin eftir námslok.

Könnunin var unnin fyrir aðildarfélög BHM og eftirtalin félög háskólamenntaðs fólks utan bandalagsins: Byggingafræðingafélag Íslands, Félag íslenskra hjúkrunarfræðinga, Lyfjafræðingafélag Íslands, Læknafélag Íslands, Stéttarfélag tölvunarfræðinga og Verkfræðingafélag Íslands.

Niðurstöðurnar varpa ljósi á þær áskoranir sem mæta háskólamenntuðu fólki þegar það stígur sín fyrstu skref á húsnæðismarkaði. Meðal þess sem farið verður yfir er hvort og hvenær fólk nær að eignast húsnæði, staða þess á leigumarkaði og hvernig húsnæðiskostnaður hefur áhrif á fjárhag og lífskjör að námi loknu.

Hægt er að skrá sig HÉR.

Dagskrá

09:00 – Setning fundar
Kolbrún Halldórsdóttir, formaður BHM

Kynning á niðurstöðum könnunar
Inga Rún Sæmundsdóttir, Félagsvísindastofnun Háskóla Íslands

Erindi
Brynhildur Heiðar- og Ómarsdóttir, formaður Visku

Pallborðsumræður
Ragnar Þór Ingólfsson, félags- og húsnæðismálaráðherra
Helga Rósa Másdóttir, formaður Félags íslenskra hjúkrunarfræðinga
Helgi Gunnarsson, formaður Verkfræðingafélags Íslands

10:30 – Fundarslit
Kolbrún Halldórsdóttir, formaður BHM

Fundurinn er öllum opinn og verður honum streymt.