Fjöldi sýna á landamærum áhyggjuefni - Þórólfur í Morgunblaðinu

Þórólfur sagði svo í Morgunblaðinu í dag að það sé áhyggjuefni hve mörg sýni séu tekin á landamærunum en yfir 2.000 sýni hafa verið tek­in þar dag­lega síðustu tvo daga, eða um­fram það viðmið sem lagt var upp með að heil­brigðis­kerfið gæti annað þegar skimun hófst.

„Þetta [2.000 sýna viðmið] er ekki al­veg heil­ög tala, eins og Land­spít­al­inn hef­ur sjálf­ur bent á. Und­an­farna daga hef­ur verið farið yfir þessa tölu sem er ákveðið áhyggju­efni, en ég hef ekki heyrt nein­ar kvart­an­ir frá Land­spít­al­an­um enn sem komið er,“ seg­ir Þórólf­ur.

Þeir átta ein­stak­ling­ar sem greind­ust með inn­an­lands­smit í fyrradag voru með smit af sama stofni og áður. Smitin voru því af ann­arri hóp­sýk­ing­unni sem er í gangi í sam­fé­lag­inu. Þetta hefur mbl.is eftir Þórólf­i Guðna­syni sótt­varna­lækn­ir. Fimm hafi verið í sótt­kví við grein­ingu.

Íslensk erfðagreining skimaði á Akranesi. Enginn greindist og því tali að hópsmitið þar hafi verið einangrað. Kári Stef­áns­son, for­stjóri Íslenskr­ar erfðagrein­ing­ar, segir við mbl.is að skimun fyrirtækisins vegna kór­ónu­veirunn­ar verði enn mark­viss­ari en áður. Hætt verði að taka slembiúr­tök og þess í stað verði hóp­ar fólks sem tengj­ast þeim sem hafa smit­ast í ann­arri hóp­sýk­ing­unni sem er í gangi í sam­fé­lag­inu skimaðir.

Haft er eftir Thor Aspelund, prófessor í líftölfræði,  á Vísi að vinna við nýtt spálíkan sé í þann mund að hefjast. Nú sé verið að meta stöðuna og fara yfir gögn. Líklegt sé að faraldurinn sé að fara af stað aftur og svokölluð „önnur bylgja“ að hefjast. Sjálfur bjóst hann við því að ný bylgja smita myndi koma upp seinna hér á landi.

Sagt er frá því að spálíkanið sé unnið í samstarfi við sóttvarnalækni. Það spáir fyrir um líklega þróun Covid-19 hér á landi. 

Mynd/Skjáskot/Mbl.is