Hálskirtlataka-Ábendingar
Eftirfarandi ábendingar fyrir hálskirtlaaðgerðum eru byggðar á leiðbeiningum sænskra heilbrigðisyfirvalda.
1) Nationella medicinska indikationer - Tonsilloperation (2009)
2) Indikation för tonsillotomi på barn och ungdomar (2011)
Ábendingar fyrir hálskirtlaaðgerðum
A) Hálskirtlataka (tonsillectomy) í fullorðnum og börnum
Ábending þarf að uppfylla öll aðalskilmerki og a.m.k. eitt viðbótarskilmerki
Aðalskilmerki:
- Hálssærindi af völdum hálskirtlabólgu (tonsillitis)
- Einkenni eru það mikil að þau trufla daglegt líf
- Að kannaðar hafi verið mögulegar smitleiðir og full sýklalyfjameðferð verið reynd
Viðbótarskilmerki:
- Að minnsta kosti 3-4 tilfelli hálskirtlabólgu (tonsillitis) yfir a.m.k. 1 árs tímabil
- Endurtekinn hiti af óþekktri orsök í börnum
- “Systemiskur” sjúkdómur sem versnar við hálskirtlabólgu
Tvö tilfelli hálskirtilskýlis (peritonsillar abscess) uppfylla ábendingu fyrir hálskirtlatöku í fullorðum án þess að grunnskilmerki hálskirtlatöku hafi verið uppfyllt. Eitt tilfelli hálskirtlakýlis er hlutfallsleg (relative) ábending hjá fullorðnum og full (absolute) ábending hjá börnum.
B) Hálskirtlaminnkun (1,2) (tonsillotomy) í börnum
Hlutfallslega stórir hálskirtlar sem taldir eru valda fyrirstöðu í efri loftvegi í svefni, með eða án hrota, ásamt einu af eftirtöldu
- Munnöndun og augljós öndunarstop eða inndrættir á brjóstkassa
- Órólegur svefn með tíðu svefnrofi og oft óeðlilegum svefnstellingum
- Trufluð dagfunktion, allt frá dagþreytu til vanþrifa sem grunur er á að orsakist af lélegum svefngæðum
- Oralmotorisk vandamál svo sem erfiðleikar við að borða, kyngingar- eða taltruflanir
- (Truflaður andlits og bitþroski eftir að þverfaglegt mat hefur átt sér stað)
1 Aðgerðarlæknir búi yfir kunnáttu í hálskirtlaminnkun og hafi yfir að ráða viðeigandi tækjabúnaði
2 Ekki sé til staðar sýking í hálskirtlum sem kalli á fullt brottnám hálskirtla (tonsillectomy)
Til baka