Samningur um samskipti lækna og lyfjafyrirtækja frá 2013

 

Samningur um samskipti lækna og lyfjafyrirtækja frá 2013

Þann  23. janúar sl. undirrituðu Læknafélag Íslands, Frumtök, Félag atvinnurekenda og Samtök verslunar og þjónustu fyrir hönd félagsmanna sinna og aðildarfyrirtækja, samning um samskipti milli lækna, lyfjafyrirtækja og fyrirtækja sem flytja inn lyf. 

 

Samningurinn var undirritaður á Læknadögum í Hörpu. Samningurinn formfestir samskipti lækna og lyfjafyrirtækja með það fyrir augum að aðilar njóti faglegs sjálfstæðis, svo hægt verði að bæta meðferð við sjúkdómum.

 

Til grundvallar samningnum eru „List of Guiding Principles Promoting Good Governance in the Pharmaceutical Sector“ sem samþykktar hafa verið af lyfjaiðnaðinum, félögum heilbrigðisstétta, sjúklingafélögum innan ESB og Reglur EFPIA um samskipti við fagfólk í heilbrigðisstétt og kynningu lyfseðilskyldra lyfja, sem eru í gildi á hverjum tíma ásamt viðaukum, þar sem meðal annars er kveðið á um framlög og styrki til heilbrigðisþjónustu eða rannsókna, þóknanir fyrir þjónustu, kostun og gjafir til fagfólks í heilbrigðistétt og hins vegar siðareglur Læknafélags Íslands.

 

Samningur 2013