Vegna fjöldatakmarkana af völdum Covid hafa allir fundir öldungadeildar frá og með apríl 2020 fallið niður. Þar sem nú mega 50 koma saman ef gætt er að 1 metra millibili ef um óskylda aðila er að ræða og grímuskylda virt, hefur verið ákveðið hefja fundastarfið á ný.
Næsti fundur Öldungadeildar verður því haldinn miðvikudaginn 3. mars 2021 .
Þá munu EiríkurJónsson þvagfæraskurðlæknir og Jón Torfason sagnfræðingur, flytja erindi sem þeir nefna „Saga af sulli "umfjöllun um sullaveiki "
Allir læknar sem náð hafa sextugsaldri eru velkomnir í okkar hóp samkvæmt lögum Öldungadeildar Læknafélags Íslands. Vonumst við til að sjá sem flesta á fundum okkar, bæði verðandi félaga og skráða félaga í deildinni. Fundirnir eru haldnir kl. 16.00 fyrsta miðvikudag hvers mánaðar að Hlíðarsmára 8 í Kópavogi. Hálftíma fyrir fund er boðið upp á kaffi og meðlæti meðan félagar og gestir ræða saman og rifja upp gömlu góðu dagana.
